Námskeið um streitustjórnun

Náms- og starfsráðgjöf HÍ býður námsmönnum Háskóla Íslands upp á námskeið um streitustjórnun.

Námskeiðið stendur yfir í fjórar vikur. Fjallað verður um streitustjórnun, hvað sé að valda streitu, hvernig þú getur fyrirbyggt, dregið úr eða tekist á við streitu. Streituvaldandi þættir í daglegu lífi verða kortlagðir, helstu einkenni streitu skoðuð og hvernig við bregðumst við. Hjálplegar og fyrirbyggjandi leiðir skoðaðar í tengslum við streitustjórnun. Getum við breytt aðstæðum eða viðbrögðum okkar?  Núvitund (mindfulness) verður kynnt til sögunnar með stuttri æfingu en rannsóknir hafa sýnt fram á að þjálfun í núvitund hefur jákvæð áhrif á almenna líðan, dregur úr streitu, kvíða og depurð.

Boðið verður upp á streitustjórnunarnámskeið fjóra þriðjudaga í röð, frá 14. mars – 4. apríl kl. 10:00-12:00
Mæting þriðjudagana 14., 21. og 28. mars og 4. apríl.

Námskeiðið fer fram á 3. hæð í Háskólatorgi stofu Ht-301. Skráning fer einungis fram á þjónustuborði Háskólatorgs um leið og námskeiðsgjald er greitt kr. 8.000.

Vinsamlegast athugið að skráning á námskeið er bindandi. Hægt er að óska eftir endurgreiðslu í síðasta lagi þrem virkum dögum áður en námskeið hefst.

Þú ert að nota: brimir.rhi.hi.is