Námskeið

Vormisseri 2018

Bendill áhugakönnun
Áhugakannanir er einkum notaðar til að hjálpa fólki við að taka ákvarðanir varðandi náms- og starfsval.  Ef þú  ert að velta fyrir þér að taka áhugakönnun þá getur þú kynnt þér Bendil undir þessari krækju: Um Bendil 

UPPLÝSINGAR UM NÆSTU DAGSETNINGAR ER AÐ FINNA HÉR: Á næstunni

Áhugakönnunin fer fram á 3. hæð Háskólatorgs í stofu Ht-302. Námskeiðsgjald er 6.000 kr og skráning og greiðsla fer fram á Þjónustuborði Háskólatorgs. Einnig er hægt að skrá sig og greiða með greiðslukorti í gegnum síma 525-5800.

 

 

Námstækninámskeið - Listin að tileinka sér góð vinnubrögð í háskólanámi

Á þessum námskeiðum er farið yfir kjarnaatriði varðandi góðar námsvenjur og öfluga námstækni eins og markmiðssetningu, tímastjórnun, lestur og glósuaðferðir. Nemendur leysa verkefni og prófa nýjar aðferðir og eru hvattir til að nýta sér fjölbreyttar aðferðir til náms.
Haldin verða tvö hraðnámskeið í janúar. Mæting þrisvar sinnum í einni viku. Hægt er að velja um eftirfarandi vikur:

  • 3., 4. og 5. janúar kl. 10:00-12:00
  • 8., 9. og 10. janúar kl. 13:00-15:00

Í janúar og febrúar bjóðum við upp á samskonar námskeið þar sem mætt er vikulega í þrjú skipti. Eitt námskeið er í boði og dagsetningarnar eru:

  • 23. jan, 30. jan og 6. feb frá kl. 10:00-12:00

Námskeiðið fer fram á 3. hæð Háskólatorgs í stofu HT-301. Námskeiðsgjald er 6.000 kr og skráning og greiðsla fer fram á Þjónustuborði Háskólatorgs. Einnig er hægt að skrá sig og greiða með greiðslukorti í gegnum síma 525-5800.

 

Sjálfstyrkingarnámskeið
Lágt sjálfsmat - hindrun í námi. Fimm vikna námskeið sem byggir á aðferðum hugrænnar atferlismeðferðar (HAM). Á námskeiðinu verða kenndar aðferðir hugrænnar atferlismeðferðar til að rjúfa vítahring lágs sjálfsmats með því að vinna með óhjálplegar hugsanir (sjálfsgagnrýni) og óhjálplega hegðun (frestun, forðun og fullkomnunarárátta). Við munum skoða gagnlegar leiðir til að takast á við lágt sjálfsmat og bæta þannig líðan okkar.

Nemendur mæta fimm miðvikudaga í röð: 31. jan, 7. feb, 14. feb, 21. feb og 28. feb frá kl. 13:00-15:00. Námskeiðið fer fram á 3. hæð Háskólatorgs í stofu HT-301. Námskeiðsgjald er 8.000 kr og skráning og greiðsla fer fram á Þjónustuborði Háskólatorgs. Einnig er hægt að skrá sig og greiða með greiðslukorti í gegnum síma 525-5800. 

 

Prófkvíðanámskeið
Markmið námskeiðisins er að nemendur fái fræðslu um hvaða þættir hafi áhrif á tilurð og mótun prófkvíða og læri aðferðir til að takast á við prófkvíða á uppbyggilegan hátt. Námskeiðið byggir á hugrænni atferlismeðferð.

Nemendur mæta fimm miðvikudaga á tímabilinu 7. mars – 11. apríl kl. 10:00-12:00.
Námskeiðið verður haldið þessa miðvikudaga: 7. mars, 14. mars, 21. mars, 4. apríl og 11. apríl

Námskeiðið fer fram á 3. hæð Háskólatorgs í stofu HT-301. Námskeiðsgjald er 8.000 kr og skráning og greiðsla fer fram á Þjónustuborði Háskólatorgs. Einnig er hægt að skrá sig og greiða með greiðslukorti í gegnum síma 525-5800. 

 

Streitustjórnunarnámskeið
Námskeiðið stendur yfir í þrjár vikur. Fjallað verður um streitustjórnun, hvað sé að valda streitu, hvernig þú getur fyrirbyggt, dregið úr eða tekist á við streitu. Streituvaldandi þættir í daglegu lífi verða kortlagðir, helstu einkenni streitu skoðuð og hvernig við bregðumst við. Hjálplegar og fyrirbyggjandi leiðir skoðaðar í tengslum við streitustjórnun. Getum við breytt aðstæðum eða viðbrögðum okkar?  Núvitund (mindfulness) verður kynnt til sögunnar með stuttri æfingu en rannsóknir hafa sýnt fram á að þjálfun í núvitund hefur jákvæð áhrif á almenna líðan, dregur úr streitu, kvíða og depurð.

Boðið verður upp á eitt námskeið sem fer fram þrjá þriðjudaga í röð, 6., 13. og 20. mars kl. 13:00-15:00. Námskeiðið fer fram á 3. hæð í Háskólatorgi stofu Ht-301. Skráning fer einungis fram á Þjónustuborði Háskólatorgs um leið og námskeiðsgjald er greitt kr. 6.000. 

 

Að hefja vinnu við lokaverkefni
Markmið vinnustofunnar er m.a. að koma nemendum í grunnnámi af stað í ritgerðarvinnunni og koma með ýmsar góðar ábendingar um vinnuferlið. Nemendur mæta einu sinni í tvær klukkustundir og geta valið á milli eftirfarandi dagsetninga:

  • 24. janúar kl. 13:00-15:00
  • 1. febrúar kl. 10:00-12:00
  • 5. febrúar kl. 13:00-15:00
  • 13. febrúar kl. 13:00-15:00
  • 14. febrúar kl. 10:00-12:00

Vinnustofan fer fram á 3. hæð Háskólatorgs í stofu HT-301. Námskeiðsgjald er 2.000 kr og skráning og greiðsla fer fram á Þjónustuborði Háskólatorgs. Einnig er hægt að skrá sig og greiða með greiðslukorti í gegnum síma 525-5800.

 

Undirbúningur fyrir atvinnulífið
Náms- og starfsráðgjöf Háskóla Íslands býður til dagskrár dagana 12. - 16. febrúar næstkomandi. Sjá dagskrá hér

Framtíðardagar Háskóla Íslands - undirbúningur fyrir atvinnulífið er ætluð öllum stúdentum Háskóla Íslands sem eru að undirbúa starfsferilinn og vilja efla færni sína og hæfni við atvinnuleit og myndun faglegs tengslanets.. Sérfræðingar innan og utan Háskóla Íslands munu bjóða upp á fjölbreytta fræðslu og kynningar. Athugið að fleiri dagskrárliðir koma til með að bætast við - hvetjum ykkur til að fylgjast vel með.

Sjáumst á Framtíðardögum Háskóla Íslands.

 

Starfsferilsmöppugerð
Hlutverk starfsferilsmöppu er að safna gögnum sem sýna fram á kunnáttu, færni og hæfni og hægt að nýta til að koma sér á framfæri á vinnumarkaði.  Mappan er líka tæki til að auka starfsfærni (e. employability). Mappan veitir einnig tækifæri til að sýna á myndrænan og skapandi hátt árangur náms, reynslu og starfa. Dæmi verða tekin af mismunandi framsetningu á ferilmöppum  og þátttakendur leggja drög að sinni eigin ferilmöppu.
Vinnustofan fer fram á 3. hæð Háskólatorgs í stofu HT-301. Námskeiðsgjald er 2.000 kr og skráning og greiðsla fer fram á Þjónustuborði Háskólatorgs. Einnig er hægt að skrá sig og greiða með greiðslukorti í gegnum síma 525-5800.

 

Örfyrirlestrar og kynningar vormisseri 2018 eru nemendum að kostnaðarlausu og standa yfir í 30-40 mín.

Hugkort
Mynd segir meira en mörg orð. Ein leið til að nálgast nýja þekkingu og skilning er að búa til hugkort (e. mind map). Hugkortagerð verður kynnt og hvernig það getur aukið á fjölbreytni í glósugerð og minnistækni.
16. janúar 2018 kl. 11:10, 3. hæð Háskólatorgi í stofu Ht-300.

Markmiðssetning og tímastjórnun
Farið verður yfir helstu atriði tímastjórnunar og hvernig gott er að skipuleggja tímann sinn og forgangsraða verkþáttum.
25. janúar 2018 kl. 11:10, 3. hæð Háskólatorgi í stofu Ht-300.

Framkvæmum – frestum ekki!
Er slæmt að fresta? Eru allir frestarar inn við beinið? Ljósi verður varpað á fyrirbærið frestun og hvaða áhrif það hefur á námsmanninn.
7. febrúar 2018 kl. 11:10, 3. hæð Háskólatorgi í stofu Ht-300.

Próftækni og prófundirbúningur
Farið verður yfir nokkur hagnýt atriði er varðar próftökuna sjálfa, meðal annars hvernig er best að skipuleggja tímann í prófinu og hvað ber að forðast við þessar aðstæður.
14. mars 2018 kl. 11:10, 3. hæð Háskólatorgi í stofu Ht-300.

Svefn og svefnvenjur
Fræðsla um svefn og heilbrigðar svefnvenjur. Hvað er svefnvandi og hvaða þættir eru truflandi? Farið verður yfir hjálplegar leiðir við að bæta svefn og svefnvenjur. Kynnt verður hvernig sálfræðileg meðferð (hugræn atferlismeðferð) vinnur með óhjálplega hegðun og hugsanir í tengslum við svefnvanda.
24. janúar 2018 kl. 11:10, 3. hæð Háskólatorgi í stofu Ht-303.

 

BIRT MEÐ FYRIRVARA UM BREYTINGAR

Vinsamlegast athugið að skráning á námskeið er bindandi. Hægt er að óska eftir endurgreiðslu í síðasta lagi þrem virkum dögum áður en námskeið hefst.

Þú ert að nota: brimir.rhi.hi.is